الحمدللہ جامعۃ الرشید لاہور کیمپس، جس کا باضابطہ افتتاح 2021 میں ہوا تھا، اب اپنے سفر کے چار سال مکمل کر چکا ہے۔ انتہائی قلیل مدت میں یہ ادارہ ایک نمایاں تعلیمی مرکز کی صورت اختیار کر چکا ہے اور اپنے علمی و تربیتی فیوض معاشرے میں پھیلا رہا ہے۔ یہ سب اللہ تعالیٰ کے خصوصی فضل و کرم کا نتیجہ ہے کہ جامعۃ الرشید کی یہ شاخ صرف چند سالوں میں ایک مضبوط اور فعال ادارے کے طور پر سامنے آئی ہے۔
جامعہ لاہور کیمپس میں اس وقت درج ذیل اہم تعلیمی شعبہ جات فعال ہیں، ان تمام شعبہ جات میں مجموعی طور پر تقریباً 700 طلبہ زیرِ تعلیم ہیں۔
عربی زبان و ادب کی جامع تعلیم جس میں عربی گرامر، صرف و نحو، ترجمہ اور مکالمہ کی مشق شامل ہے۔
قرآن کے ساتھ عصری تعلیم (میٹرک/انٹر) بھی شامل ہے تاکہ دینی و دنیاوی دونوں میدانوں میں مہارت ہو۔
قرآن مجید کو حفظ کرنے کا باقاعدہ نظام جہاں تجوید و قرأت کے ساتھ مکمل حفظ کرایا جاتا ہے۔
جدید ٹیکنالوجی کا شعبہ جہاں پروگرامنگ، روبوٹ ڈیزائن اور AI کی بنیادی تربیت دی جاتی ہے تاکہ طلبہ دورِ جدید کے تقاضوں سے ہم آہنگ ہوں۔
مختصر المدت دینی کورسز جن میں فقہ، سیرت، تزکیہ نفس اور عملی دین کی تعلیم آسان اور مؤثر انداز میں دی جاتی ہے۔
جامعۃ الرشید لاہور کیمپس میں طلبہ کی تعلیمی اور رہائشی ضروریات کو مدنظر رکھتے ہوئے بہترین سہولیات فراہم کی گئی ہیں۔
جدید دور کے تقاضوں کو مدنظر رکھتے ہوئے جامعہ میں شعبہ روبوٹکس و آرٹیفیشل انٹیلیجنس قائم کیا گیا ہے جہاں طلبہ پروگرامنگ، روبوٹ ڈیزائن اور جدید ٹیکنالوجی کی تعلیم حاصل کرتے ہیں۔
جامعہ میں ایک فعال میڈیا سیل قائم ہے جو جامعہ کی تعلیمی و تربیتی سرگرمیوں، پروگرامز و تقریبات اور طلبہ کی کامیابیوں کو سوشل میڈیا کے ذریعے عوام تک پہنچاتا ہے۔ یہ میڈیا سیل JTR Lahore کے نام سے قائم فیس بک پیج کے ذریعے مسلسل سرگرم عمل ہے۔
جامعہ میں ایک عظیم الشان دار القرآن کی تعمیر کا آغاز کیا جا چکا ہے۔
جامعہ کی عظیم الشان جامع مسجد اس ادارے کے ماتھے کا جھومر ہے۔
جامعۃ الرشید لاہور کیمپس کی تعمیر و ترقی رئیس جامعۃ الرشید و چانسلر الغزالی یونیورسٹی کی سرپرستی میں جاری ہے۔ کیمپس کی انتظامیہ اور اساتذہ دن رات اس ادارے کو مزید ترقی دینے کے لیے کوشاں ہیں۔
اللہ تعالیٰ سے دعا ہے کہ وہ اس ادارے کو دن دگنی اور رات چوگنی ترقی عطا فرمائے اور اسے دینِ اسلام کی خدمت کا مؤثر ذریعہ بنائے۔